Pois ata aquí chegamos, OURIZOSEGUIDORES!
Dámosvos as GRAZAS dende RADIOURIZO por ter estado aí todo este curso tan complicado e agardámosvos de novo o próximo con máis e mellores PODCAST cos que aprender e desfrutar.
Bo día, OURIZOSEGUIDORES!
Por fin chegou o momento de escoitar os PODCAST sobre a figura de XELA ARIAS que elaborou o alumnado de 5º de EP e de 4º da ESO, cos que participaron nos III Premios Internacionais de Podcast "Xosé Morquera Pérez" <O vello dos contos>.
Chegou o día, OURIZOSEGUIDORES!
Aí vos queda tooodooo o traballo realizado polo alumnado de 6º de EP, que non é pouco! Un proxecto ambicioso cun produto social final, códigos QR instalados no parque biosaudable de Xuvia, e un animado podcast onde explican o desenvolvemento do proceso. Coma sempre, RADIOURIZO dá visibilidade a unha de tantas experiencias levadas a cabo nas aulas.
Ademáis, contaron coa valiosa colaboración de alumnado da ESO que lles botou un cable con iso do multilingüismo. Grazas, compañeir@s!
Mañá, 8 de xuño, en RadioVoz (105.4 FM) ou en radiovoz.es (Ferrol) desfrutaremos dunha pequena entrevista a xentiña de 6º de EP para dar a coñecer nos medios o proxecto desta rapazada e o bo traballo que se fai na nosa radio escolar. Poderedes escoitalos entre as 11:00 e 11:15 en riguroso directo!!
Continuamos no CAMIÑO!
Nesta ocasión, da man da rapazada de 6º de EP. Achegáronse a RADIOURIZO para poñernos ao día en cousiñas da 2º etapa do Camiño Inglés.
Esperamos que vos guste!
Parabéns aos pequenos e pequenas de 1º de EP que co seu Podcast "PIENSA QUE YA FALTA MENOS" quedaron TERCEIROS na súa categoría no I CONCURSO DE PODCAST ESCOLAR organizado por RNE.
Ola, OURIZOSEGUIDORES!
O alumnado de 6º de EP elaborou un Podcast no que nos conta todo o proceso que levaron a cabo para sacar adiante o proxecto de elaboración e instalación de códigos QR no Parque Biosaudable de Xuvia.
Con eles colaborou alumnado da ESO, que deu boa conta do seu dominio do plurilingüismo.
Contámosvos que teredes que esperar un tempiño para escoitalo, pois agarda unha sorpresa...
O podcast "PIENSA QUE YA FALTA MENOS" preparado polos pequenos e pequenas de 1º de EP en RADIOURIZO, foi seleccionado polo xurado para ser un dos 10 finalistas do I CONCURSO DE PODCAST ESCOLAR organizado por RNE na súa categoría.
