DMR 2021: II ANIVERSARIO DE RADIOURIZO.

Ola de novo, RADIO OÍNTES!

Pois sí. Coma quen non quere a cousa, chegamos ao II Aniversario da estrea de RADIOURIZO nas ondas.

O tempo pasa, pero a ilusión segue sendo a mesma do primeiro día. 

Este programa especial, estivo, ao igual que o do 13 de febreiro do 2019, cargado de emoción e nervios a partes iguais. Porque cada podcast preparado leva estes indispensables ingredientes xunto cunha boa chea de traballo por parte do profesorado e do alumnado. 

Neste especial poderedes escoitar:

• UN AGASALLO MOI ESPECIAL: A sentida felicitación de AURORA VARELA, a nosa querida escritora ferrolá que ano tras ano nos acompaña.
• UN CONTO PEQUENIÑO: A profe PILI deixa aparcados por un intre os seus ripios para deleitarnos cun pequeno conto moi xeitoso no que colaboran pequenos de 1º de EP.
• CÁMBIACHE O CONTO: Dende SECUNDARIA fannos unha recomendación literaria moi interesante e anímannos a seguir participando das lecturas que nos ofrece BIBLIOURIZO.
• LENDAS NO CAMIÑO: Meténdonos de cheo no proxecto do centro "A Jorge no Camiño Inglés", a rapazada de 4º de EP cóntanos unhas curiosas lendas do Camiño de Santiago.
• NO ES GIMNASIA: Da man do alumnado de 6º de EP, uns consellos acerca de hábitos de vida saudable.

Dar as grazas a tod@s pola súa inestimable colaboración e unha mención especial aos TÉCNICOS de 6º de EP dos que non se nota a súa presenza pero que fixeron unha marabillosa labor.

PARABÉNS NO TEU II ANIVERSARIO, RADIOURIZO! 🎂🎂